2015 jylǵy 29 jeltoqsan, Astana, Úkimet Úıi
Advokat kórsetetin zań kómegine aqy tóleý jáne qorǵaý men ókildik etýge baılanysty shyǵystardy óteý mólsherin belgileý týraly
2015 jylǵy 31 qazandaǵy Qazaqstan Respýblıkasynyń Azamattyq prosestik kodeksiniń 112-babyna, «Advokattyq qyzmet týraly» 1997 jylǵy 5 jeltoqsandaǵy Qazaqstan Respýblıkasynyń Zańy 5-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi:
1. «Advokattyq qyzmet týraly» Qazaqstan Respýblıkasy Zańynyń 6-babynda kózdelgen jaǵdaılarda advokat kórsetetin zań kómegine aqy tóleýdiń jáne qorǵaý men ókildik etýge baılanysty shyǵystardy óteýdiń mynadaı mólsherleri (budan ári - aqy tóleý mólsheri) belgilensin:
1) bir saǵatqa Qazaqstan Respýblıkasynyń zańnamasynda belgilengen 1/10 eń tómengi jalaqy mólsheri;
asa aýyr qylmys jasaǵany úshin kúdiktiniń, aıyptalýshynyń, sottalýshynyń, sottalǵannyń qorǵaýshysy retinde, sondaı-aq asa aýyr qylmys saldarynan jábirlenýshi dep tanylǵan adamnyń ókili retinde qylmystyq is boıynsha is júrgizýdiń kez kelgen satysyna qatysý;
asa aýyr qylmys jasaǵany úshin kúzetpen qamaýdaǵy qorǵalýshymen nemese qylmystyq-atqarý júıesi mekemesinde jazasyn ótep jatqanmen kezdesý;
asa aýyr qylmys jasaǵany úshin kúdiktini, aıyptalýshyny, sottalýshyny, sottalǵandy qorǵaýǵa nemese asa aýyr qylmys saldarynan jábirlenýshi dep tanylǵan adamnyń múddesinde anyqtaýshynyń, tergeýshiniń, prokýrordyń jáne sottyń áreketine (áreketsizdigine) jáne sheshimine ótinishhattar, shaǵymdar, apellıasııalyq, kassasııalyq jáne ózge de shaǵymdar jasaý;
2) bir saǵatqa Qazaqstan Respýblıkasynyń zańnamasynda belgilengen 1/15 eń tómengi jalaqy mólsheri:
aýyr qylmys jasaǵany úshin kúdiktiniń, aıyptalýshynyń, sottalýshynyń, sottalǵanyń qorǵaýshysy retinde, sondaı-aq aýyr qylmys saldarynan jábirlenýshi dep tanylǵan adamnyń ókili retinde qylmystyq is boıynsha is júrgizýdiń kez kelgen satysyna qatysý;
aýyr qylmys jasaǵany úshin kúzetpen qamaýdaǵy qorǵalýshymen nemese qylmystyq-atqarý júıesi mekemesinde jazasyn ótep jatqanmen kezdesý;
aýyr qylmys jasaǵany úshin kúdiktini, aıyptalýshyny, sottalýshyny, sottalǵandy qorǵaý nemese aýyr qylmys saldarynan jábirlenýshi dep tanylǵan adamnyń múddesinde anyqtaýshynyń, tergeýshiniń, prokýrordyń jáne sottyń áreketterine (áreketsizdigine) jáne sheshimine ótinishhattar, shaǵymdar, apellıasııalyq, kassasııalyq jáne ózge de shaǵymdar jasaý;
3) bir saǵatqa Qazaqstan Respýblıkasynyń zańnamasynda belgilengen 1/21 eń tómengi jalaqy mólsheri:
qylmystyq teris qylyq nemese onsha aýyr emes nemese aýyrlyǵy ortasha qylmys jasaǵany úshin kúdiktiniń, aıyptalýshynyń, sottalýshynyń, sottalǵannyń qorǵaýshysy retinde, sondaı-aq qylmystyq teris qylyq nemese onsha aýyr emes nemese aýyrlyǵy ortasha qylmys saldarynan jábirlenýshi dep tanylǵan adamnyń ókili retinde qylmystyq is boıynsha is júrgizýdiń kez kelgen satysyna qatysý;
ákimshilik jaýaptylyqqa tartylǵan adamnyń ákimshilik quqyq buzýshylyq týraly is boıynsha is júrgizýdiń kez kelgen satysynda qorǵaý;
zań kómegine aqy tóleýden jáne azamattyq is boıynsha is júrgizýde ókildik etýge baılanysty shyǵystardy óteýden bosatylǵan adamǵa ókildik etý jáne olardy bıýdjet qarajaty esebine jatqyzý;
qylmystyq teris qylyq nemese onsha aýyr emes nemese aýyrlyǵy ortasha qylmys jasaǵany úshin kúdiktini, aıyptalýshyny, sottalýshyny, sottalǵandy qorǵaý nemese qylmystyq teris qylyq nemese onsha aýyr emes nemese aýyrlyǵy ortasha qylmys saldarynan jábirlenýshi dep tanylǵan adamnyń múddesinde anyqtaýshynyń, tergeýshiniń, prokýrordyń jáne sottyń áreketterine (áreketsizdigine) jáne sheshimine ótinishhattar, shaǵymdar, apellıasııalyq, kassasııalyq jáne ózge de shaǵymdar jasaý;
onsha aýyr emes nemese aýyrlyǵy ortasha qylmys jasaǵany úshin kúzetpen qamaýdaǵy nemese qylmystyq-atqarý júıesi mekemesinde jazasyn ótep jatqan adammen ne ákimshilik ustalǵan adammen kezdesý;
advokatqa júgingen jaǵdaılarda jeke tulǵalarǵa quqyqtyq keńes berý;
4) aıyp taǵylǵan qylmystyń sanatyna qaraı Qazaqstan Respýblıkasynyń Qylmystyq prosestik kodeksiniń 64-babynyń úshinshi bóliginde belgilengen merzimder ótetin túngi ýaqytta, demalys jáne mereke kúnderi keıinge qaldyrýǵa bolmaıtyn, kúdiktiden jaýap alýǵa qatysqan bir saǵat úshin osy qaýlynyń 1-tarmaǵynyń 1) - 3) tarmaqshalarynda belgilengen aqy tóleý mólsherinen 1,5;
5) advokattyń tergeý nemese ózge de is-qımyldyń bastalýyn, sot otyrysynyń bastalýyn nemese ony keıinge qaldyrǵan jaǵdaıda jalǵasyn kútken ýaqyty úshin osy qaýlynyń 1-tarmaǵynyń 3) tarmaqshasynda belgilengen aqy tóleý mólsherinen 50 paıyz;
6) naqty is boıynsha qorǵaý nemese ókildik etý úshin Qazaqstan Respýblıkasynyń sheginde basqa jerge issaparǵa shyǵýǵa baılanysty shyǵystardy memleket qarajaty esebinen qamtylatyn memlekettik mekemelerdiń qyzmetkerleri úshin belgilengen mólsherde óteý.
2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
3. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri
K.MÁSIMOV.
Qazaqstan Respýblıkasy Úkimetiniń 2015 jylǵy 29 jeltoqsandaǵy №1110 qaýlysyna qosymsha
Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi
1. «Memleket kepildik bergen zań kómegin kórsetetin tulǵalarǵa eńbekaqy tóleý, advokat kórsetken zań kómegin esepke alý jáne konsýltasııa berýge, qorǵaýǵa jáne ókildik etýge baılanysty shyǵystardy óteý qaǵıdalary, sondaı-aq onyń eńbekaqy mólsheri týraly» Qazaqstan Respýblıkasy Úkimetiniń 1999 jylǵy 26 tamyzdaǵy №1247 qaýlysy (Qazaqstan Respýblıkasynyń PÚAJ-y, 1999 j., № 42, 384-qujat).
2. «Qazaqstan Respýblıkasy Úkimetiniń 1999 jylǵy 26 tamyzdaǵy №1247 qaýlysyna ózgerister men tolyqtyrý engizý týraly» Qazaqstan Respýblıkasy Úkimetiniń 2001 jylǵy 24 jeltoqsandaǵy №1683 qaýlysy (Qazaqstan Respýblıkasynyń PÚAJ-y, 2001 j., № 48, 571-qujat).
3. «Qazaqstan Respýblıkasy Úkimetiniń 1999 jylǵy 26 tamyzdaǵy №1247 qaýlysyna ózgerister men tolyqtyrý engizý týraly» Qazaqstan Respýblıkasy Úkimetiniń 2005 jylgy 30 qyrkúıektegi № 978 qaýlysy (Qazaqstan Respýblıkasynyń PÚAJ-y, 2005 j., №36, 503-qujat).
4. «Qazaqstan Respýblıkasy Úkimetiniń 1999 jylǵy 26 tamyzdaǵy №1247 qaýlysyna ózgerister men tolyqtyrý engizý týraly» Qazaqstan Respýblıkasy Úkimetiniń 2010 jylǵy 1 shildedegi №681 qaýlysy (Qazaqstan Respýblıkasynyń PÚAJ-y, 2010 j., №41, 366-qujat).
5. «Respýblıkalyq bıýdjet qarajaty esebinen advokattar kórsetetin zań kómegine aqy tóleý jáne qorǵaý men ókildik etýge baılanysty shyǵystardy óteýdiń erejeleri týraly» Qazaqstan Respýblıkasy Úkimetiniń 1999 jylǵy 26 tamyzdaǵy №1247 qaýlysyna ózgerister engizý týraly» Qazaqstan Respýblıkasy Úkimetiniń 2013 jylǵy 31 jeltoqsandaǵy №1579 qaýlysy (Qazaqstan Respýblıkasynyń PÚAJ-y, 2013 j., №88, 1085-qujat).